Ílegulógin aftur til hoyringar

Uppskotið um nýggja ílegulóg er aftur sent til hoyringar.

Tað var eisini sent til hoyringar í juni í ár.

Uppskotið umfatar persónlagað medisin, vevnaðarskrá, genomskrá, diagnosuskrá og ættarbandsskrá til gransking í mannaílegum.

Av tí at broytingar eru gjørdar í lógaruppskotinum, verður lógaruppskotið sent aftur til stutta hoyring hjá hoyringarpørtunum, sigur Heilsumálaráðið.

Nú eru meira enn 18 ár liðin síðani ílegulógin kom.

Tí er brúk fyri at endurskoða hana, sigur Heilsumálaráðið.

Hoyringarfreistin er stutt, hon er til 28.november.