Iðrar seg um at Norra skorar beinanvegin

Føroyar taptu 2-0 í venjingardystinum ímóti einum sterkum norskum landsliðið í Oslo í kvøld.

Heimaliðið skoraði longu í triðja minutti, og tað er serliga fyrsta málið, sum miðverjin, Andrias Edmundsson, iðraði seg um eftir dystin.

 - Tað er serstakliga keðiligt, at teir fáa mál beinanvegin, tí so verður tað so tungt hjá okkum, segði miðverjin, sum kortini helt, at avrikið batnaði munandi, sum dysturin leið.

 - Vit koma sterkt aftur, serliga í seinna hálvleiki, har vit koma fram. René (Shaki Joensen, red.) fær eitt skot á stongina, so eg haldi, at tað varð bara betri og betri, segði Andrias Edmundsson.