Veljarakanning: Beinir Johannesen bjóðar av

Formaðurin í Fólkaflokkinum, Beinir Johannesen, bjóðar nú Aksel V. Johannesen, løgmanni, og Bárði á Steig Nielsen, undanfarna løgmanni, av í kappingini um at gerast løgmaður eftir næsta løgtingsval.

Í veljarakanningini, sum Portal.fo og Blaðið Vikuskifti hava latið gjørt, fær Beinir Johannesen undirtøku frá 22,5 prosentum av teimum spurdu.

Sostatt er hann ikki so langt aftan fyri Bárð á Steig Nielsen og Aksel V. Johannesen, sum fáa undirtøku frá ávikavist 28,1 og 25,1 prosenti av veljarunum.

Høgni Hoydal, sum er fjórði floksformaðurin, ið verður nevndur í kanningini, fær bert undirtøku frá 6,1 prosenti av veljarunum.

- Kanningin er áhugaverd, og speglar vánaliga valið, sum núverandi samgonguflokkar høvdu fingið, um val var nú, skrivar Portal.fo.