Biðja um størri játtan til Starvsstovuna

Hóast útflutningurin til Russlands er nógv minkaður, kostar hann ikki Heilsufrøðiligu starvsstovuni minni.

Fíggjarnevndin spurdi Uttanríkis- og Vinnumálaráðið, hvussu tað ber til, at biðið verður um størri játtan í uppskotinum um fíggjarlóg til Heilsufrøðiligu starvsstovu, tí útflutningurin til Russlands er minkaður niður í lítið og einki. 

Svarið er, at inntøkurnar, sum komu úr Russlandi fyri matvørukanningar, eru minkaðar nógv.

Hava ikki serkilda fígging

Men ES krevur hesar kanningar. 

Og tær útreiðslurnar eru ikki minkaðar. Men pengarnir, sum komu úr Russlandi at gjalda hesar kanningar, eru nærum horvnir.

Skyldurnar, sum ES krevur, standa við, og tær skyldurnar hava ikki serskilda fígging.

Tær fíggjaði útflutningurin til Russlands.