- Tíðindi, mentan og ítróttur
Landsstýriskvinnan: Hetta er seinasta eykajáttanin til H-bygningin
Landsstýriskvinnan: Hetta er seinasta eykajáttanin til H-bygningin
Margit Stórá, landsstýriskvinna, og Steinar Eirikstoft, forstjóri í sjúkrahúsverkinum, vóru í fíggjarnevndini fyrrapartin
Eykajáttanin til H-bygningin var samtykt við aðru viðgerð, men málið var beint aftur í fíggjarnevndin, tá triðja viðgerð var hósdagin.
21.11.2023 - 13:08
- Vit hava ikki og fara heldur ikki at biðja um nakra eykajáttan aftrat til H-bygningin.
Tað sigur Margit Stórá, landsstýriskvinna í heilsumálum.
Hon var á fundi við fíggjarnevndina fyrrapartin, nú málið um eykajáttanina var beint aftur í nevnd. Hon vissaði nevndina um, at neyðugt verður ikki við fleiri pengum.
Margit Stórá er landsstýriskvinna í heilsumálum.
Eykajáttanin er slakar 44 milliónir kr., og uppskotið var samtykt við aðru viðgerð. Men við triðju viðgerð hósdagin vóru so nógv ivamál reist, at løgtingið samtykti at beina málið aftur í fíggjarnevndina.
Steinar Eirikstoft, forstjóri í sjúkrahúsverkinum, sum eisini var á fundi við fíggjarnevndina fyrrpartin, er sannførdur um, at fíggjaætlanin fyri H-bygningin nú fer at halda.
Hoyr innslag í útvarpstíðindunum:
21112023_H-bygningur
Er kopiera
Nýggjastu sendingar í ÚV
Nýggjastu sendingar í SV
