100.000 kr. í frádrátti kosta landskassanum 20,5 milliónir

Verður frádráttarfría inntøkuuphæddin hjá fólkapensjónistum 70.000 kr., kostar tað landskassanum 10 mió.kr.

Verður hon 80.000 kr. kostar hon 14 milliónir, 90.000 kr. kosta 17 milliónir og 100.000 kr. kosta 20,5 milliónir krónur.

Uppskotið hjá landsstýrinum, sum nú er í tinginum, kostar landskassanum 6,5 mió. kr.

Sambært uppskotinum er frádráttarfría inntøkuupphæddin 61.900 kr. 

Tølini um frádráttarfríu inntøkuupphæddina hevur trivnaðarnevndin hjá løgtinginum fingið frá Almanna- og mentamálaráðnum.

Ráðið ger vart við, at talan er um ógviliga leysliga meting.

Broytingarnar fara at kosta landskassanum nógv meira frá 2025. Og eisini nakað meira enn upplýstu tølini longu næsta ár, tí tølini byggja á inntøkuupplýsingar frá 2022..