Treytaða fongsulsrevsing og samfelagstænastu

Fyrrverandi KÍ-venjarin, Mikkjal Thomassen, er í Føroya rætti í dag, dømdur 30 daga treytaða fongsulsrevsing fyri at hava hótt ein fótbóltsspælara.

Mikkjal Thomassen er eisini dømdur at gera samfelagstænastu í 40 tímar.

Tað skrivar Frihedsbrevet.fo, sum hevur fylgt rættarmálinum.

Hótti í tveimum umførum

Mikkjal Thomassen er dømdur fyri at hava hótt ein fótbóltsspælara í tveimum umførum, hóast hvørki fótbóltspælarin ella vitni meldaðu hendingina.

Tað var ákæruvaldið, sum tók málið upp. 

Rætturin metir, at tað er prógvað, at Mikkjal Thomassen segði við fótbóltsspælaran, at “eg skal knúsa tíni bein, oyðileggja tína fótbóltsyrkisleið og tína sivilu yrkisleið”, samstundis sum hann hevur trýst fótbóltsspælaran á bringuna. 

Umhugsa dómin

Mikkjal Thomassen vísir aftur, at hann hevði sagt nakað um sivilu yrkisleiðina hjá fótbóltsspælaranum.

Verjin, Torben Koch, sigur, at teir umhugsa dómin, skrivar Frihedsbrevet.fo