- Tíðindi, mentan og ítróttur
Eingin peningur til rundkoyring á Kambsdali
Eingin peningur til rundkoyring á Kambsdali
Mátingar í november í fjør vístu, at 2.700 akfør koyra á fuglafjarðarvegnum um dagin, og í meðal eru skrásett seks ferðsluóhapp á Kambsdali um árið
Í 2019 var ein rundkoyring á Kambsdali mett at kosta tvær til tríggjar milliónir krónur. (Savnsmynd: Miðnám á Kambsdali)
23.11.2023 - 12:20
Í uppskotinum um fíggjarlóg fyri 2024 eru eingin peningur settur av til rundkoyring á Kambsdali, hóast Landsverk í fyrsta atløgu mælir til at játta 500.000 krónur til projektering.
Byggitíðin er mett at vera eitt ár.
Verkætlanin skal gerast í samstarvi við Fuglafjarðar kommunu, sum eigur íbindingarnar til høvuðsvegin, sigur Dennis Holm í svari til fyrispurning frá Bárði á Lakjuni, løgtingsmanni, sum spyr um ætlaðu rundkoyringina.
Bárður á Lakjuni, løgtingsmaður, hevur spurt um rundkoyring á Kambsdali. (Mynd: Bjarni Árting Rubeksen)
2.700 akfør
Mátingar í november í fjør vístu, at 2.700 akfør koyra á fuglafjarðarvegnum um dagin.
Í miðal eru skrásett seks ferðsluóhapp á Kambsdali um árið, sum er lutfalsliga nógv samanborið við onnur vegastrekki.
Tað er meira enn eitt óhapp fyri hvønn kilometur á fuglafjarðarvegnum um árið.
Í 2019 var ein rundkoyring á Kambsdali mett at kosta tvær til tríggjar milliónir krónur.
Er kopiera
Nýggjastu sendingar í ÚV
Nýggjastu sendingar í SV
