Kannaðu bátar í Nólsoyarfirði og Tangafirði

Í gjár gjørdi politiið eitt átak saman við Vørn, sum saman vóru í Nólsoyarfirði og á Tangafirði og kannaðu bátar.

Kannað varð, um útgerð og annað var í lagi, og tað var tað eisini hjá fimm av bátunum, sum blivu kannaðir.

Men á sætta bátinum, sum skjeyt svartfugl, var ein byrsa til fimm skot, sum varð brúkt til fuglaskjóting.

Lógin um fuglaveiði heimilar bara byrsur til tvey skot, tá ið skotið verður eftir fugli, so her verður givin bót.

Hald varð tó ikki lagt á byrsuna.