Við til dopingeftirlit

 - Tað er aldrin skeg, men eg eri bara glað fyri, at tey eru her.

Vár Guriardóttir Hansen var ein av seks lyftarum, sum skuldu lata dopingroynd, tá eftirlitsfólk vitjaðu styrkikapping í Havn um vikuskiftið. 

Hon fegnast um antidoping arbeiðið, hóast tað kann vera óhugaligt at valdur út til dopingroynd.

 - Beint eftir, at tú hevur gjørt síðsta lyft, verður tú tikin til síðis. Ein fylgir tær, so tú ikki sleppur at gera nakað, og so skalt tú pissa í ein kopp, áðrenn tú sjálv skalt stoyta tað í, testa tað og pakka tað væl inn, so eingin kann gera nakað við royndina, greiðir hon frá.

Anti Doping Føroyar hevur ábyrgdina fyri antidoping-arbeiðnum í Føroyum, og ímillum 40 og 50 royndir verða tiknar um árið.

 - Tað verður so fordeilt yvir fleiri ítróttagreinar. Tað eru nakrar, sum mann ikki testar so øgiliga nógv, meðan mann hyggur kanska meir eftir øðrum ítróttagreinum, sigur Jarvin Feilberg Hansen frá Anti Doping Føroyum frá.