Stóra hassjmálið aftur í rættin í februar

Nú er stóra hassjmálið, sum ikki kundi avgreiðast í Føroya rætti, tí Føroya rættur er ógegnigur, komið á rættarlistan aftur.

Málið skal viðgerast í døgunum 12. til 23. februar næsta ár.

Dómari verður Søren Seerup.

Tveir menn ákærdir

Tveir menn er ákærdir fyri at smugla sløk 26 kilo av hassji til Føroya. Menninir blivu varðhaldsfongslaðir í november í fjør.

Annar slapp út 27. oktober, og hin slapp út í gjár.

Ákæruvaldið vildi annars hava mannin í varðhaldi, til dómurin fellur. Men verjin kærdi til Landsrættin, sum gav honum viðhald.