Ferðsluóhapp í Leirvík: Trý fólk flutt á sjúkrahúsið

Ferðsluóhapp í Leirvík: Trý fólk flutt á sjúkrahúsið
Trý fólk eru flutt á sjúkrahúsið eftir eitt ferðsluóhapp við tunnilsmunnan í Leirvík. Tunnilin er stongdur og løgreglan kann enn ikki siga, nær hann letur upp aftur
Mynd: Savnsmynd  
 
31.10.2026 - 19:39

Trý fólk eru flutt á sjúkrahúsið eftir eitt ferðsluóhapp við tunnilsmunnan í Leirvík. Tað tykist ikki í fyrstu atløgu sum skaðarnir eru álvarsamir, men krevja tó viðgerð. 

 

Løgreglan fekk fráboðan um ferðsluóhapp kl. 18.20. Tríggir bilar vóru við í ferðsluóhappinum. Ein bilur rakti fyrst ein mótkoyrandi bil og síðani ein annan bil. Tann bilurin var helst eisini mótkoyrandi, sigur vakthavandi hjá løgregluni. 7 fólk vóru í teimum trimum bilunum. Tveir sjúkrabilar hava flutt trý fólk og sjúkrahúsið og enn er ikki greitt, um hini fýra eisini skulu á sjúkrahúsið. 

 

Tunnilin er stongdur og løgreglan kann enn ikki siga, nær hann letur upp aftur, sigur vakthavandi. Tann eini bilurin, sum var í ferðsluóhappinum er fluttur, men hinir báðir skulu enn flytast og løgreglan fer at vera á staðnum eina løtu afturat. 

 

Løgreglan skrivar á sín Facebook vanga, tá tunnilin letur uppaftur.  

Er kopiera
Nýggjastu sendingar í ÚV
Mikudag 18. november
Vágskálin: Frá Jóannesi bónda til Frú S
216535
Mikudag 18. november
Skratsj 18. nov. 2026
216628
Mikudag 18. november
Mono 3 - Fróði Løksagarð - 181126
216627
Mikudag 18. november
Skipsboð
216603
Nýggjastu sendingar í SV
Mikudag 18. november
Dagur og vika - teknmálstulkað
216592
Týsdag 17. november
Veðrið
216565
Týsdag 17. november
Dagur og vika við 3-2 - teknmálstulkað
216520
Mánadag 16. november
Veðrið
216486
Mánadag 16. november
Bygdarliv 4 – Eiði
216470