Royna nú at selja alla ullina

Búnaðarstovan fer nú at royna at selja 23 tons av ull, sum Ullarmóttøkan keypti í summar.

Biðið var um tilboð upp á ullina fyri einum góðum mánaði síðani.

Bara eittans tilboð kom. Tað var upp á góð fimm tons, og er úr Føroyum.

Búnaðarstovan fer ikki at biðja um tilboð eina ferð aftrat.

Hon fer at royna at selja ullina uttan at biðja um tilboð í lýsing.

Í fjør seldi Búnaðarstovan alla ullina, sum tríggjar føroyskar fyritøkur keyptu.

Í 2021 var størsti parturin seldur til Onglands.