Ferðsluóhapp í Søldafirði

Í gjár umleið kl 10 var eitt ferðsluóhapp í Søldarfirði. Ein bilur var farin á glið í hálkuni og rendi á ein lyktapela. Eingin mannskaði stóðst av óhappinum, men meira materiellur skaði. 

Eisini í Havn var ein bilur farin á glið í gjár og fór útav eftir lið. Hetta í Varðagøtu umleið klokkan 17 seinnapartin. 

Í nátt hevur løgreglan havt tvær hendingar við fullum fólkum. Talan var um fólk, vóru farin til hendurs. Tó stóðst ikki meira burtur úr hesum. 

Løgreglan arbeiðir við einum máli um harðskap, sum varð framdur í einum bústaði í Eysturoynni í nátt. Fráboðanin kom um 4-tíðina í nátt. Løgreglan arbeiðir við málinum og fær tí ikki sagt meira í løtuni.