Nýggj pantskipan fyri íløt kemur í 2025

Nú eru uppskot gjørd um lóg og kunngerð um pantáløgd íløt, og tey eru send til hoyringar.

Umhvørvismálaráðið sigur, at tað nýggja er, at øll, sum selja iløt, sum pantskipanin umfatar, hava skyldu til at taka og rinda fyri øll íløt, sum eru í pantskipanini.

Sølustøð skulu ikki skilja íløt eftir øðrum enn tilfari. 

Plast og aluminium fara í sama sekk og glas fyri seg. 

Galdandi lóg er bara um íløt til øl, sodavatn og aðrar lidnar leskidrykkir. 

Tann avmarkingin verður nú strikað. Nú skal lógin bara siga íløt. 

fløskumóttøka, fløskuautomat, fløskur, fløskupant, pantskipan

Galdandi lóg er bara um íløt til øl, sodavatn og aðrar lidnar leskidrykkir. Nú skal lógin bara siga íløt. (Savnsmynd: Bjarni Árting Rubeksen)

12 pantiskipanir

12 ymiskar pantskipanir eru í Føroyum, tí galdandi lóg ásetur, at hvør loyvishavari tekur ímóti sínum egnu íløtum.

IRF skal vera pantumsitari.

15 milliónir íløt skulu gjøgnum pantskipanina, tá hon er klár at seta í verk í 2025.

Høvdavirkið í Leirvík, IRF

IRF skal umsita pantskipanina. (Savnsmynd)

Tað merkir, at IRF skal handfara 68.000 íløt hvønn gerandisdag í árinum.

IRF fær 50 oyru fyri hvørt ílat í rakstrargjaldi.

Hoyringarfreistin er til 5.januar.