Formansumfar í sjónvarpinum í kvøld

Í morgin, 8. desember, er eitt ár síðani løgtingsvalið, ið hevði við sær, at Javnaðarflokkurin, Tjóðveldi og Framsókn skipaðu stjórn. 

Í hesum sambandi, so verður eitt formansumfar í sjónvarpinum í kvøld. 

Formansumfarið er í framhaldi av Degi og viku, ið verður væl styttri enn vanligt av somu orsøk. 

Lyftir, haldføri og politiska støðan

Spyr.fo hevur gjørt eina nýggja veljarakanning fyri Kringvarp Føroya til høvið, og veljarakanningin verður almannakunngjørd bæði í útvarpinum klokkan 18 og í sambandi við Dag og viku og formansumfarið. 

Trý evni vera á skránni í formansumfarinum:

• Veljarakanningin og politiska støðan
• Vallyftini um at gera gerandisdagin hjá fólki lættari
• Haldføri í landsbúskapinum

John Johannessen er vertur fyri formansumfarinum.