Egingjaldið fyri heilivág hækkar minni enn ætlað

Landsstýriskvinnan í heilsumálum hevur ikki fulla undirtøku í samgonguni fyri at hækka egingjaldið fyri heilivág so nógv, sum hon ætlar.

Samgonguumboðini í trivnaðarnevndini hava broytingaruppskot.

Markið er 1.000 kr. í uppskotinum frá Heilsumálaráðnum.

Hans Jacob Thomsen, Súsanna Bertholdsen og Liljan Weihe í trivnaðarnevndini mæla til, at markið verður 967 krónur.

Og tey mæla tí til, at tilskotsstigin verður broyttur, so hámarkini lækka.