Nýggj kunngerð um burturkast á veg

Kunngerðin um burturkast er á veg, hon kemur væntandi í februar næsta ár.

Tað sigur Ingilín D. Strøm, landsstýriskvinna, í svari til Helga Abrahamsen, løgtingsmann.

Hon sigur, at uppskotið um kunngerð skal gjøgnumgangast og tillagast saman við IRF og KOB í Havn, tá landsætlanin um burturkast er liðug. 

Miðað verður eftir, at hetta verður í januar, og vænandi verður kunngerðin lýst í februar.

Skal galda í 10 ár

Ein høvuðstáttur í uppskotinum er, at land og kommunur saman skulu gera landsætlan um burturkast og kommunala ætlan um burturkast, sum skulu galda í 10 ár.

Ingilín D. Strøm sigur, at tá uppskotið um kunngerð var til hoyringar í fjør summar, vístu ummælini, at tørvur var á rættiliga týðandi broytingum í uppskotinum. 

Verandi kunngerð um burturkast er frá 1995.

Ongar broytingar eru gjørdar í henni síðani 2007, sigur Helgi Abrahamsen.

Hann sigur, at tá hann var landsstýrismaður, bað hann í februar 2020 Umhvørvisstovuna um at gera uppskot um nýggja kunngerð um burturkast. 

Umhvørvisstovan fekk freist til 1.juni 2020.