Lóg hevur virkað síðani 1987 men er ongantíð lýst

Nú verður danska floksstuðulslógin sett í gildi í Føroyum.

Lógarheimildin kom í 1987, og hon hevur virkað síðani.

Men komið er undan kavi, at hon er ongantíð kunngjørd í Føroyum.

Tað verður hon nú.

Føroyskir flokkar fáa stuðul til at vera við í fólkatingsvali og útinna politisk virksemi á ikki yvirtiknum málsøkjum. 

Minst 1000 atkvøður

Talan er um donsku lógina um stuðul til teir flokkar, sum stilla upp til fólkatingsval, og til valevni, sum ikki eru í nøkrum flokki.

Talan er um flokkar og valevni, sum hava fingið minst 1.000 atkvøður.

Nú ivi er um heimildina, helt danska Innanríkismálaráðið tað vera rættast at steðga stuðulsveitingini fyribils til lógin er kunngjørd í Føroyum.

Um lógin verður lýst at koma í gildi fyri ársskiftið, kunnu flokkarnir, sum stillaðu upp á fólkatingsvalinum í Føroyum 31.oktober í fjør, søkja um stuðul í ár.

Men hon kemur ikki í gildi ár, tí hoyringarfreistin er til 19.januar.

Í ár er stuðulin 35,75 kr. fyri hvørja atkvøðu.