67.000 krónur til umseting - um mánaðin

Flokkarnir hjá fólkatingslimunum úr Grønlandi og Føroyum fáa 67.000 kr. um mánaðin til tulk og umseting.

Hetta verður gjørt, so fólkatingfólkini kunnu tosa grønlendskt og føroyskt í fólkatinginum.

Stuðulin er markaður til umseting.

Tað, sum ikki verður brúkt til júst tað, skal latast fólkatinginum aftur.

Stuðulin kemur eftir eina hending 12.mai, tá Aki-Matilda Høegh-Dam tosaði grønlendskt á fólkatingsins røðarapalli.

Røður og frágreiðingar eisini umsettar 

Umframt stuðulin vera skrivligar frágreiðingar, so sum røðan, forsætismálaráðharrin, heldur, tá fólkatingssetan byrjar, og árliga frágreiðingin um ríkisfelagsskapin og Arktis, umsettar.

Eisini mál um grønlendsk og føroysk viðurskifti vera umsett. 

Alt um fólkatingsarbeiðið og, hvussu fólkastýrið er skipað, verður eisini á grønlendskum og føroyskum á heimasíðan hjá fólkatinginum.

Og fólkatingslimir og starvsfólkini hjá fólkatinginum skulu á skeið um grønlendsk og føroysk viðskifti, so sum søgu og mentan.