Orkuískoytið skal tvífaldast næsta ár

Samgongutingfólkini, Hans Jacob Thomsen, Súsanna Bertholdsen, Liljan Weihe og Sólvit Nolsø, hava við triðju viðgerð lagt fram broytingaruppskot til uppskotið hjá landsstýrinum um orkuískoyti.

Landsstýrið hevur skotið upp, at orkuískoytið verður 5.000 kr. næsta ár, og tað var eisini samtykt við aðru viðgerð. 

Sambært broytingaruppskotinum skal orkuskoytið næsta ár vera 10.000 kr., og 5.000 kr. hvørt árið í 2005 og 2006. 

Hans Jacob Thomsen, Kim Durhuus, samgongufundur

Hans Jacob Thomsen er millum teirra, sum hava lagt broytingaruppskotið fram. (Savnsmynd: Bjarni Árting Rubeksen)

Orkuískoytið kann gjaldast eina ferð um árið. 

Hans Jacob Thomsen upplýsti í tinginum, at broytingin verður mett at kosta tvær milliónir, og tí fer avlopið á fíggjarlógini í uppskotinum hjá meirilutanum í fíggjarnevndini at minka samsvarandi, úr 6,5 milliónum niður í 4,5 milliónir kr. 

Fylg viðgerðini í tinginum her.