- Tíðindi, mentan og ítróttur
Bilur rendi á bilafylgið hjá Biden
Bilur rendi á bilafylgið hjá Biden
Amerikanski forsetin bleiv í skundi fluttur til eitt trygt stað, eftir at ein bilur rendi á bilafylgið hjá Joe Biden
Verjarnir hjá Joe Biden vóru skjótir yvir til bilin, ið rendi á bilafylgið hjá amerikanska forsetanum
Mynd: Ritzau / Scanpix
18.12.2023 - 10:35
Talan tykist vera um eitt hendiligt óhapp, tá ein bilur rendi á bilafylgið hjá amerikanska forsetanum Joe Biden.
Forsetin og forsetafrúan, Jill Biden, høvdu júst verið til ein døgurða saman við valliðnum hjá Joe Biden, tá óhappið hendi.
Amerikanska fregnartænastan, Secret Service, ið ansar eftir Joe Biden, gjørdi tó skjótt av og flutti í skundi Biden og konuna til eitt trygt stað.
Joe Biden var óskalaður og hevði tíð at steðga á og svara spurningum frá tíðindafólkum, áðrenn hann varð fluttur frá staðnum.
Eingin fekk skaði í ferðsluóhappinum, sum tó verður kannað.
Bilurin rendi á ein SUV, sum er partur av bilafylginum hjá amerikanska forsetanum, ið stóð stillur.
"Trygdin kring forsetan verður ikki økt orsaka av hendingini, og bilafylgið hjá forsetanum kundi halda fram ótarnað, " segði Steve Kopek, ið er talsmaður fyri amerikonsku fregnartænastuna.
Er kopiera
Nýggjastu sendingar í ÚV
Nýggjastu sendingar í SV
