Vinnuhúsið: Føroyar eru afturúrsigldar á vinnupolitiska økinum

Niels Winther, stjóri í Vinnuhúsinum, saknar vinnupolitisk átøk frá sitandi samgongu. 

- Tað er ikki givið, at vit altíð fara at hava umstøður, sum gera tað lønandi og gott at føra vinnu í Føroyum, sigur stjórin í Vinnuhúsinum. 

Í Vinnuhúsinum hava tey sett sær fyri regluliga at gera upp, hvussu tað gongur hjá samgonguni á vinnupolitiskaøkinum.

Fyrsta uppgerðin frá Vinnuhúsinum vísir, at Føroyar eru afturúrsigldar vinnupolitiskt í mun til okkara grannalond.