Fiskiskapurin á landgrunninum verður mundandi skerdur næsta ár

Tað var fyrrapartin, at Havstovan kom við boðunum, at toskastovnurin undir Føroyum ongantíð áður hevur havt tað so trupult sum nú.

Petur Steingrund, fiskifrøðingur og deildarleiðari á Havstovuni, fór so lagt, at hann segði, at vit eru í holt við at oyða toskastovnin á landgrunninum. 

Tí mælir Havstovan til at minka fiskidagarnar hjá línu-, snellu- og trolbátum við 20 prosentum, og at minka fiskidagarnar hjá partrolarum og lemmatrolarum við 10 prosentum.

fiskivinna, fiskiskapur

Støðan er álvarslig

Dennis Holm, landsstýrismaður í fiskivinnumálum, er ikki í iva. Hann ætlar sær at fylgja lívfrøðiligu ráðgevingini frá fiskifrøðingunum.

Altso línu-, snellu- og trolbátar fáa 20 prosent færri fiskidagar frá 1. januar og partrolarar og lemmatrolarar fáa 10 prosent færri dagar. Hetta er fyri at verja toskastovnin, men fer eisini at ganga út yvir fiskiskapin eftir hýsu og upsa.

Dennis Holm, 16:9

Harumframt koma eisini aðrar avmarkingar, eittnú skulu gýtingarøkini vera friðað longri tíðarskeið enn vanligt, og aðrar friðingar verða eisini.

Støðan er álvarslig, og tí er neyðugt at fylgja fiskifrøðini, heldur landsstýrismaðurin.