Endi slitnaði í alibrúkinum í Froðba

Nógvur laksur er deyður í einum alibrúki hjá Bakkafrosti út fyri Froðba.

Orsøkin er, at ein endi slitnaði í illveðrinum, sum var beint fyri og eftir ársskiftið, og sum fekk nakrar aliringar at fella saman.

Regin Jacobsen

Regin Jacobsen er stjóri í Bakkafrosti. (Savnsmynd)

Talan er um nøkur hundrað tons av deyðum laksi, av teimum tilsamans umleið 3.500 tonsum, sum eru í alibrúkinum.

Regin Jacobsen, stjóri í Bakkafrosti, sigur soleiðis um tilburðin:

Regin Jacobsen sigur, at laksatøkan verður ikki stórvegis ávirkað.

Allur fiskurin í raktu ringunum verður tikin hesa vikuna, og tað, sum gongur eftir, verður tikið í næstum.

Bakkafrost hevði eisini ein stóran skaða út fyri Froðba fyri trimum árum síðani, tá ódnarveður var av eystri. Tá var aliøkið nakað broytt.

- At ein endi slitnar, má ikki henda, serliga í illveðri, sigur Regin Jacobsen. 

Tí fer Bakkafrost at kanna orsøkina væl og virðiliga, áðrenn fiskur aftur verða settur út.