Tórshavnar kommuna søkir eftir trivnaðarstjóra

Tórshavnar kommuna søkir nú eftir trivnaðarstjóra. 

Trivnaðarstjórin hevur yvirskipaðu ábyrgdina av millum øðrum dagstovnaøkinum, skúlamálum, barnavernd og mentanarøkinum.

Fakligu førleikarnir til umsøkjaran eru m.a. viðkomandi kandidatútbúgving frá hægri lærustovni ella aðra viðkomandi útbúgving, og viðkomandi leiðsluroyndir og evni at leiða saman við øðrum og gjøgnum aðrar leiðarar.

Starvið er lønt sambært 38.lønarflokki í lønartalvuni hjá Felag Tænastumanna Landsins umframt 15% í eftirløn. Stjórasáttmáli verður gjørdur.

Umsóknarfreistin er mánadagin 22. januar klokkan 23.

Jóan Petur Hentze hevur verið trivnaðarstjóri í Tórshavnar kommunu seinastu árini.

Nú hevur hann tikið við starvi sum kommunustjóri.