Selja tvey skip - 36 mans hava fingið uppsøgn

Smyril Line hevur lýst farmaskipini Eystnes og Hvítanes til sølu, og manningarnar, sum telja 36 mans, hava fingið skriv um uppsøgn.

Seinastu árini hava Eystnes og Hvítanes serliga verið nýtt til at røkja pelagiska marknaðin, men tað hevur verið trupult at fingið rakstur í hetta virksemið.

Samstundis hevur Smyril Line avgjørt at gevast at sigla til Russlands, ið var ein týdningarmikil marknaður.

Innflutningur, Eystnes - Mynd: Hagstovan

Eystnes. (Mynd: Hagstovan)

Eystnes og Hvítanes eru skjótt 45 ára gomul, og orsakað av hesum og marknaðaravbjóðingunum, verður ikki mett, at tað fæst vinna í at endurnýggja skipini, sigur Smyril Line í tíðindaskrivi. 

Felagið fer í framtíðini arbeiða við kjarnuvirkseminum, ið er ferðafólka- og farmaflutningur við ro-ro-skipum, sum eisini er tað skipaslagið, ið Smyril Line hevur gjørt týðandi íløgur í síðstu árini.

Hoyr samrøðu, sum Hallur av Rana gjørdi við Jens Meinhard Rasmussen, stjóra í Smyril Line, í útvarpstíðindunum: