- Tíðindi, mentan og ítróttur
Allir trolbátarnir liggja
Allir trolbátarnir liggja
Fiskamarknaðurin væntar ikki nógvan útróður, tí hvørki streymur ella veður eru av tí besta
![](https://kvf.fo/sites/default/files/styles/grein-ovasta-mynd/public/skalafossur.png?itok=6jIfLW9U)
Allir trolbátarnir liggja. (Savnsmynd)
22.01.2024 - 08:37
Allir trolbátarnir liggja í løtuni, skrivar Fiskamarknaðurin, og tað gera bæði ísfiskalínuskipini eisini.
Trý frystilínuskip eru við Ísland, og seks eru á landgrunninum.
Ikki verður nógvur útróður í vikuni, tí hvørki streymur ella veður eru av tí besta.
Tveir djúpvatnstrolarar eru á Íslandsrygginum og fiska tosk, og ein fiskar svartkalva.
Um partrolarar verður sagt, at fimm pør eru úti.
Fiskaríið hjá teimum er smáligt.
Tvey garnaskip fiska svartkalva, og eitt fiskar havtasku.
Fiskaríið er brúkiligt eftir svartkalva, men smáligt eftir havtasku.
Nýggjastu sendingar í ÚV
Nýggjastu sendingar í SV