Eysturoyar Ellis- og Røktarheim 40 ár

Tá hevði heimið 32 búpláss, men er síðan útbygt tvær ferðir, so tað í dag hevur 70 búpláss.

Eitt sindur verður gjørt burtur úr degnum í dag, tí frá klokkan trý til fimm er samkoma á heiminum fyri búfólk, starvsfólk og gestir annars.

Møguleiki verður eisini at hyggja seg um á heiminum, og framsýning av myndum og ymiskum lutum frá hesum 40 árunum verður at síggja.

Røður, felagssangur og sangframførsla verður í matarhøllini, har borðreitt verður við kaffi, te og lagkøku.