Tveir menn fyri hvørja kvinnu

Nýggjastu tølini frá Hagstovuni vísa, at arbeiðsloysið hjá monnum er 1,7 prosent, sum er 0,6 prosentstig hægri enn í 2019.

Samstundis er arbeiðsloysið hjá kvinnum 0,9 prosent, sum er 0,5 prosentstig lægri enn 2019.

Í tali eru tað 304 arbeiðsleysir menn og 130 arbeiðsleysar kvinnur, so tað eru tvær ferðir so nógvir arbeiðsleysir menn sum kvinnur.

Bæði kvinnur og menn í Føroyum liggja lægst millum øll londini í Europa, men serliga brýtur arbeiðsloysið hjá føroyskum kvinnum frá og er minni enn eitt prosent.