Danska flogfarið fór ongantíð á flog

Danska flogfarið, sum skuldi hjálpa Brimli og hinum at leita eftir teimum báðum monnunum á Kambi, sum ikki eru komnir afturíaftur, kom ikki til Føroya.

Flogfarið fór ongantíð á flog úr Danmark, tí tað hevði tekniskar trupulleikar, sigur Edvard Bjarnastein, deildarleiðari á MRCC.

Challenger-flogfarið er annars væl útgjørt til leiting, tí tað hevur m.a. hitasøkjara.

Sostatt eru tað bara Brimil, skip á leiðini og bjargingartyrlan, sum í løtuni leita eftir monnunum, sum ikki eru komnir afturíaftur.

Meiri verður at frætta í útvarpstíðindunum klokkan 15.