Nú fæst paracetamol til børn aftur í hondkeypi

Hetta er árstíðin, tá mestsum øll børn verða krímsjúk.

Nógv foreldur hava tí staðið spyrjandi, tá tey seinastu mánaðirnar hava verið á apotekinum at keypa paracetamol-stikkpillarar, t.d. panodil ella pinex, til børnini, men noyddust at fara tómhent til hús.

Fyri jól avgjørdi danska Lægemiddelstyrelsen, at fyri at tryggja veitingina av paracetamol til smábørn, skuldi bara bera til at fáa paracetamol-stikkpillarar á forskrift frá lækna.

Heilivágurin skuldi bara fáast á apotekum og ikki í hondkeypssølu.

Apoteksverkið í Føroyum hevur eisini fylgt hesi leiðbeining, so goymslan ikki skuldi ganga undan.

Beinta Joensen er deildarleiðari á Tjaldurs apoteki:

 
Men nú fer aftur at bera til at keypa paracetamol-stikkpillarar í hondkeypi:

Beinta Joensen leggur aftrat, at eisini hondkeypssølurnar kring landið, eitt nú Magn-støðir, aftur kunnu selja paracetamol-stikkpillarar sum vanligt.