Vilja heldur arbeiða við vakurleikaviðgerð enn sjúklingum

Talan er um viðgerðir sum at vaksa um varrar og kinnabein, broyta andlitsform og at slætta rukkur. 

Í trý ár er talið á sjúkrarøktarfrøðingum, sum arbeiða við vakurleikaviðgerð nærum tvífaldað. Í 2020 var talið 333 og á heysti í 2023, 662. Verður hugt longur aftur, starvaðust í 2008 bert 30 sjúkrarøktarfrøðingar við vakurleikaviðgerð í Danmark, skrivar danska kringvarpið.

Nakað, sum verður mett at hava stóra ávirkan á, at danskir sjúkrarøktarfrøðingar skifta starv og siga almenna sjúkrahúsverkinum farvæl, er lønarmunurin. 

Meðan grundlønin á vakurleikaklinikkum er 35.000 krónur í miðal, er hon í almenna sjúkrahúsverkinum 28.000 krónur, íroknað skeivar arbeiðstíðir, skrivar danska kringvarpið.