Leggja dúkin á í næsta mánaði

Alt tilfarið er fingið til vega, og nú verður bara bíðið eftir kranunum, sum skulu lyfta stóra dúkin upp á marghøllina.

Tað sigur Bjarni Johansen,  borgarstjóri í Vági.

Einki virksemi hevur verið í Marghøllini í Vági, síðan hon fyrst í februar mánaði í fjør fekk stóra skaða í illveðri.

Dúkurin skrædnaði eftir allari longdini, men nú verður arbeitt við at umvæla skaðan og leggja nýggjan dúk á.

Hoyr innslag í útvarpstíðindunum: 

Marghøllin í Vági var tikin í brúk fyrst í 2018, og er størsta ítróttarhøll í landinum.