Tóra við Keldu: Fólk, ið bera brek, hava ikki brúk fyri olmussu

Tað var ein søguligur dagur, tá Løgtingið einmælt samtykti uppskotið um løgtingslóg um brekumboð. Tað heldur Tóra við Keldu, forkvinna í Megd.

Hugburðurin er framvegis, at tað er í lagi, at fólk, ið bera brek, ikki hava somu møguleikar sum onnur. Hesum mugu vit koma burtur úr sum skjótast.

Vit síggja fyri okkum, at brekumboðið kann vera við til at greina alt brekøkið. Tað hevur týdning fyri at kunna vísa á, hvar broytingar skulu fremjast.

24 limafeløg og 4000 limir eru í MEGD. Hetta er ein ógvuliga samansettur bólkur, og tørvurin er eisini ymiskur, leggur Tóra við Keldu dent á.

Vit eru komin langt, nógv restar í, men eg eri bjartskygd, sigur forkvinnan at enda.