Á Breddanum: Fosturtøkumálið

Fyrsta viðgerð av fosturtøkulógini hjá landsstýrismanninum í lógarmálum var fríggjadagin, og ikki óvæntað var orðaskiftið hvast. 

Tað var bæði drúgt og stundum ógvisligt.

Spurningurin, um kvinnan sjálv skal taka avgerðina um fosturtøku fram til viku 12, sær út til at kloyva bæði fólkið og løgtingið.

Vit spyrja, hvat eyðkennir orðaskiftið og argumentini í fosturtøkuspurninginum.

Bárður Larsen, løgfrøðingur, Diana Reynstind, serlækni, Jógvan D. Hansen, heimspekingur, og Eydna Skaale, retorikari, vera í útvarpsstovuni. 

Breddin í útvarpinum klokkan 10. 

Sendingin verður stroymd her.