Trupult at lofta tilflytarum

Tórshavnar Kvøldskúli hevur rópt neyðarróp og sigur, at byrðan hjá kvøldskúlanum er vorðin ov tyngjandi.

Jógvan Sørin Hansen, leiðari á Tórshavnar Kvøldskúla, sigur, at skúlin megnar ikki at lofta øllum tí, sum tilflytatarnir hava av stríðast við.

Eftir at hava undirvíst umleið túsund útlendingum í føroyskum, gevst skúlin nú við uppgávuni.

Í løgtinginum er uppskot í løtuni, sum leggur upp til, at Undirvísingarstýrið skal skipa undirvísingina fyri tilflytarar í framtíðini.

Miðnám á Kambsdali hevur longu í tvey ár bjóðað tilflytarum undirvísing í føroyskum. 

Hjalmar Hansen, stjóri í Undirvísingarstýrinum, heldur ikki, at teirra uppgáva í Undirvísingarstýrinum er at skipa integratión.

Í Tórshavnar Kvøldskúla hava tey bæði undirvíst børnum og vaksnum útlendingum í føroyskum, og báðir bólkar hava avbjóðingar.