- Tíðindi, mentan og ítróttur
Alt skal til lands: Fígging má fylgja við
Alt skal til lands: Fígging má fylgja við
Finnbjørn Vang, formaður í Meginfelag útróðrarmanna, heldur, at ætlanin hjá landsstýrismanninum um, at alt av fiskinum skal førast til lands, hongur ikki saman í praksis
Fígging má fylgja við, um alt av fiskinum skal førast til lands, sigur formaðurin í Meginfelag útróðrarmanna
Mynd: Savnsmynd
06.04.2024 - 12:56
"Hetta er øgiliga idealistiskt, men í praksis hongur tað ikki saman."
Tað sigur Finnbjørn Vang, formaður í Meginfelag útróðrarmanna, um ætlanina hjá Dennisi Holm, landsstýrismanni, um, at alt av fiskinum skal førast til lands.
Finnbjørn Vang vísir á, at um prísurin ikki verður meira enn til dømis 1 krónu fyri kilo, so hongur tað ikki saman fíggjarliga, tí bara tað at landa kostar meir enn tað.
"Tað hevði verið nógv frægari fyri allar partar, um onkur fígging fylgdi við," sigur hann og nevnir, at tilfeingisgjaldið kundi verið brúkt til at fíggja nýggjar íløgur.
Hoyrið samrøðu við Finnbjørn Vang her:
Finnbjorn_Vang_klipt
Er kopiera
Nýggjastu sendingar í ÚV
Nýggjastu sendingar í SV
