- Tíðindi, mentan og ítróttur
Byggja nýtt missiónshús á Strondum
<div>Strandingar fara at byggja nýtt missiónshús í bygdini, sum ætlandi skal vera liðugt um fýra til fimm ár. Tað skrivar Sjóvar kommuna á heimasíðuni. Kunnandi fundur var fyri bygdarfólkinum týskvøldið. </div><div><br></div><div>Endaligu tekningarnar eru um at vera klárar, og ætlanin er at grava út fyri húsinum í heyst. </div><div><br></div><div><b>360 fermetrar</b></div><div><br></div><div>Nýggja missiónshúsið verður 360 fermetrar, í tveimum hæddum. Í ovaru hæddini verður pláss fyri 250 fólkum, og niðara hæddin fer at rúma 130 fólkum. Bygningurin verður mettur at kosta góðar átta milliónir krónur. </div><div><br></div><div>Fíggjarnevndin fyri missiónshúsið hevur víst á, at enn vantar nakað í fyri at fáa endaliga fígging. Tað er umráðandi fyri fíggjarnevndina fyri húsið at fáa fígging til vega fyri tann 1. november, tí tá er ætlanin at senda umsókn til TAKS um at sleppa undan MVG</div><div><br></div><div>Gamla missiónshúsið á Strondum er frá 1936. </div><div><br></div>
