Vága Floghavn hevði 3,9 mió. kr. í avlopi metárið í fjør

3,9 milliónir krónur í avlopi stóðu eftir á botnlinjuni hjá Vága floghavn, tá 2023 var gjørt upp.

Hetta er nakað minni enn í 2022, tá avlopið var 8,8 milliónir krónur.

431.079 ferðandi fóru um Vága Floghavn í 2023, og tað er met.

Samstundis stafestir hetta, at talið av ferðandi er komið uppaftur á stigið sum var undan koronufarsóttini.

Talan er um ferðandi báðar vegir, so tí fóru góðir 200.000 einstakir persónar um flogvøllin í fjør.

ferðafólk, flogferðsla, Atlantic Airways, Vága Floghavn

Bogi Bendtsen í nevndina

Á aðalfundinum í gjár vórðu aðalfundarvaldu umboðini í nevndini afturvald, umframt at eigarin nýtti høvið til at velja ein nevndarlim afturat, sum var Bogi Bendtsen.

Ætlanin við hesum er serliga at styrkja um fíggjarligu førleikarnar í nevndini, nú so nógvar og stórar útbyggingar standa fyri framman.

Nevndin hevur skipað seg við Biritu Sandberg Samuelsen sum nevndarforkvinnu og Janusi Rein sum næstformanni.