Íløgur krevja fíggjarligan førleika í nevndini, heldur landsstýrið

Nú Vága floghavn skal byggja út fyri 1,3 milliardir krónur, heldur Bjarni Kárason Petersen, landsstýrismaður, tað vera rætt at styrkja nevndina við fíggjarligum førleikum.

Hann hevur tí valt Boga Bendtsen í nevndina hjá Vága floghavn.

Flogvøllurin skal útbyggjast til at kunna hava eina millión ferðafólk um árið.

Tað kann gerast veruleiki í 2040, sigur Bjarni Kárason Petersen.   

Eftir aðalfundin, sum var í síðstu viku, hevur nevndin skipað seg.

Sama nevnd

Birita Sandberg Samuelsen heldur fram sum forkvinna.

Og Janus Rein heldur fram sum næstformaður.

Hini í nevndini eru Gunn Hanusardóttir Møller, Uni Danielsen og Bogi Bendtsen, sum er nýggjur í nevndini. Aðalfundurin valdi tey.

Starvsfólkaumboðini eru eisini tey somu.

Tey eru Nanny Ritter Falkvard, Tórstein á Steig og Egil B. Joensen.