Tingfólk fáa ikki meira í løn

Tingfólk fáa ikki lønarhækking hesa ferð.

Uppskotið hjá meirilutanum í formansskapinum bleiv samtykt á tingfundinum í gjár.

Fýra av seks limum í grein 25 nevndini mæltu annars til at hækka lønina úr 34. upp í 36.lønarflokk í sáttmálanum hjá Tænastumannafelagnum.

Men tey uppskotini fullu, - annað tó bara við 14 fyri og 15 móti.

Ein samgongulimur, Sólvit E. Nolsø, atkvøddi fyri. 

Kostnaðarískoytið, sum er 2.000 kr. skattafríar um mánaðin, verður varðveitt.

Og nú fáa tingfólk somu eftirløn sum onnur, tað eru 15 prosent.