Elbátur smíðaður í Nólsoy

Størsti bátur, sum higartil er bygdur í Nólsoy, er liðugt smíðaður. Hann er nú klárur at koyrast til Havnar, har hann skal gerast liðugur. Tað fortelur bátasmiðurin, Guðmundur Sjurðason Norðbúð, sum hevur arbeitt við verkætlanini í eitt ár. 

Hetta er helst fyrsti elbátur, sum er smíðaður í Føroyum, fortelur bátasmiðurin. 

Ein gamal dreymur

Hesin elbáturin er ein gamal dreymur, sigur eigarin, Eyðun Egholm. Hann er eisini eigari av einum elbáti frá 2019, sum helst var tann fyrsti av sínum slagi í Føroyum -  og tað er júst tann báturin, sum hevur givið íblástur til nýggja føroyskt bygda elbátin.