Føroysk gransking í diabetes

Alt fleiri fólk fáa staðfest diabetes 2 og framrokningar vísa, at í 2045 fer ein av átta vaksnum, ella umleið 783 milliónir fólk, at hava diabetes.

Hetta er ein vøkstur upp á 46 prosent. Meira enn 90 prosent av teimum, sum hava diabetes, hava diabetes 2.

Og nú fara føroyingar at granska í diabetes og 800 føroyingar eru bodnir at vera við í kanningini, sum Deildin fyri heilsu- og sjúkrarøktarvísindi á Fróðskaparsetrinum og Steno Miðstøðin í Sjúkrahúsverki Føroya standa fyri.

Fólkini verða so við í eini stórari kanning av, hvørja ávirkan samansett venjing, sum ein fær við fótbóltsspæli, hevur á heilsuna hjá fólki við diabetes 2.