- Tíðindi, mentan og ítróttur
Fáa nógv fleiri tól til umvælingar og endurnýtslu
Fáa nógv fleiri tól til umvælingar og endurnýtslu
Av teimum 947 tólunum, sum Být og bøt-tænastan hjá Føroya Tele hevur fingið í ár, er meginparturin fartelefonir
60 prosent av teimum 947 tólum eru umvæld og brúkt aftur. Hini 40 prosentini eru farin til endurnýtslu og brúkt aftur sum rávørur. (Savnsmynd)
28.06.2024 - 13:57
Tænastan Být og bøt hjá Føroya Tele hevur higartil í ár fingið 947 tól.
Hetta eru nógv fleiri enn í 2023 og 2022.
Tey 947 tólini eru 835 fartelefonir. Hini tólini eru teldlar, teldur og snildur.
Føroya Tele sigur, at serliga vinnukundar brúka tænastuna, sum verður veitt í samstarvi við fyritøkuna Foxway Group.
60 prosent brúkt aftur
Í 2022 fingu privatkundar atgongd til tænastuna.
Tey 947 tólini, sum eru komin higartil í ár, eru 368 fleiri enn alt árið 2023.
60 prosent av teimum 947 tólum eru umvæld og brúkt aftur. Hini 40 prosentini eru farin til endurnýtslu og brúkt aftur sum rávørur.
Í 2023 spardi Být og bøt 18,6 tons í CO2-útláti.
Í 2022 var sparingin 7,9 tons, sigur Føroya tele.
Er kopiera
Nýggjastu sendingar í ÚV
Nýggjastu sendingar í SV
