USA fyrireikar seg til hevnd í Libya

Bæði hermenn og herskip eru á veg til Libya eftir atsóknina at amerikanska konsulátinum í Benghazi týsdagin

Amerikanski sendiharrin í Libya var millum teirra, sum lótu lív, tá søkt varð amerikanska konsulátinum í libyska býnum Benghazi týsdagin.

Sigmar Bláberg

Johnsigurd Johannesen

13.09.2012 - 16:48

<div>USA hevur sent 50 servandar hermenn til at verja amerikansku konsulátið í Benghazi í Libya, og samstundis eru tvey herskip á veg til libysku strondina.</div><div>Tað hendir eftir álopið á konsulátið í Banghazi fyrr í vikuni, tá amerikanski sendiharrin í Libya og trý starvsfólk lótu lív.</div><div><br></div><div>Amerikansku myndugleikarnir vísa á, at álopið var væl fyriskipað og vardi leingi. Eingi prógv eru fyri, hvør skipaði fyri álopinum, men myndugleikarnir halda, at talan var um hernaðarligar islamistar.</div><div><br></div><div>Ein talsmaður fyri amerikanska verjumálaráðið sigur, at hetta var einki tilvildarligt álop. Lopið varð á amerikanska konsulátið týsdagin eftir mótmæli í fleiri londum móti einum amerikanskum filmi, har gjøldur verður gjørdur burtur úr Muhhamed profeti.</div><div><br></div><div>Peter Viggo Jakobsen, lektari á danska verjuakademinum, sigur við danska kringvarpið, at Barack Obama, forseti, fer ikki at drála við at nýta ómannað flogfør at leypa á teir, sum søktu at amerikanska konsulátinum í Benghazi.</div>