Verkfallið ávirkaði ferðafólkatalið á flogvøllinum

Verkfallið hevði stóra ávirkan á flogferðsluna.

Verkfallið endaði 9. juni.

Og í fyrru helvt í juni vóru ferðafólkini á flogvøllinum 14 prosent færri enn í juni í fjør.

Eisini um vit taka allan juni, eru færri ferðafólk, 4,9 prosent færri.

Ferðafólkini vóru 43.836 í juni í ár. Tey vóru 46.106 í juni í fjør.

Fyrra hálvárið var vøksturin bara 0,9 prosent sammett við fyrra hálvár í fjør.

Var einki verkfall, var vøksturin kanska fimm prosent, heldur Regin I. Jakobsen, stjóri í Vága floghavn.