Nyttaði lítið at vísa góðan vilja

Tað er tørvur á íbúðum í Havn og fleiri størri byggiverkætlanir eru farnar ígongd.
Ein av teimum er á Heygnum í Havn, við Hvannasundsgøtu. Talan er um sekstan íbúður í einum blokki sum er 7,5 netrar høgur, 60 metur langur og 13 metur breiður. Harumframt er p-øki og goymslubygningar.

Tá grannarnir fingu at vita um verkætlanina at byrja við, so vístu tey góðan vilja og hjálptu tey við einum nýggjum vegi itl íbúðirnar. Tey væntaðu at hetta fór at leggja upp til gott samstarv við kommununa, sum fór at taka atlit til grannarnar. Men so var ikki. Nú er arbeiðið farið ígongd og tað er vónleyst hjá grannunum at fáa samband við nakran í kommununi.

Sum verkætlanin fyriliggur, missa fleiri av grannunum sólargang og útsýni.