Kamala Harris luttekur ikki í vitjanini hjá Netanyahu

Amarikanska forsetavalevni Kamala Harris hevur boðað frá, at hon ikki tekur lut í dag, tá Benjamin Netanyahu heldur røðu í amerikonsku kongressini í samband við hansara vitjan í Washington.

Amerikanska forsetavalevnið førir valstríð í Indianapolis og kann tí ikki luttaka. Men tað er møguliga eisini eitt tekin um eina meiri kritiska linju mótvegis Netajahu, heldur Allan Sørensen, korrespondentur fyr Kristeligt dagblad í miðeystri.

Tað er stór mótstøða ímóti vitjanini hjá Netajahu í USA, og fleiri demokratiskir kongresslimir eru ímóti at ísraelski forsetin talar í kongressini og boykotta vitjanina.

Kamala Harris fer møguliga at vera meiri kritisk mótvegis Ísrael enn Biden, um hon vinnur forsetavalið. Men tað fer neyvan at broyta kósina hjá USA í sambandi við Ísreael og Palestina, heldur Rasmus Sinding Søndergaard, sum granskar í amerkonskum uttanríkispolitikki við DR.

Allan Sørensen, sum er korrespondentur fyri danska miðilin Kristeligt Dagblad sigur við Danmarks Radio, at vitjanin hjá Netanjahu helst fer at snúgva seg mest um innanríkispolitikk.