Heilsurøktarar vilja hava løn undir útbúgving

Í samgonguskjalinum stendur, at "arbeitt verður fram ímóti at tryggja heilsuhjálparum løn undir útbúgving". Og tað er hesa ætlan, ið landsstýrismaðurin í útbúgvingarmálum nú vil seta í verk. Djóni Nolsøe Joensen segði við útvarpið í gjár, at hann er farin undir arbeiðið at røkka hesum setningi í samgonguskjalinum. Enn eru tó nógvar óvissur í ætlanini hjá landsstýrismanninum - eittnú hvør lønin skal vera undir útbúgving, og hvør skal gjalda, landið ella kommunurnar. 

Útbúgvingin til heilsuhjálpara tekur 15 mánaðir. Vil tú vera heilsurøktari, tekur tað 22 mánaðir afturat. 

Sambært Bingerð Fosságil, forkvinnu í Heilsurøktarafelagnum, er avgerandi neyðugt, at báðar útbúgvingar koma undir somu skipan við løn undir útbúgving.

Hoyr samrøðu við Bingerð Fosságil her: